BRANDØY

Jarle Haugland

Generalsekretær i ImF

Frå hausten 2025 har Jarle Haugland vore tilsett som generalsekretær i ImF. Han har sjølv vakse opp i ImF, og seier at organisasjonen har vore viktig for forming av liv og tru. Jarle er også aktivt lokalt, og styreleiar i Mosby bedehus på Sørlandet. Han er oppteken av at ImF skal vera med og styrka det lokale arbeidet.

Me gler oss til «Bibel og fellesskap i teltet» laurdag og søndag, der Jarle talar over hovudtema «Invitert».
Jarle vil også halda seminar laurdag 1630 omkring «Alle stemmene som slåss om hjertet ditt – om å følge Jesus i en digital tid»

Cecilie Skår Holmgren

ImF-UNG/Awana

Astrid-Helene og Martin Fagerheim Eknes

Barneopplegg

Dei er aktivt med i det kristne barne- og ungdomsarbeidet i Kvinnherad, der dei bur. Astrid-Helene (28), som kjem frå Utåker, er m.a. leiar på Husnes søndagsskule. Martin (31) kjem frå Stranda i Nordhordland og har m.a. vore leiar for ungdomsklubbar og konfirmant-arbeid. Begge likar å engasjere seg i Alle saman-møter og familie-samlingar.

Tom Jarle Istad Kristiansen

Gospelnight

Tom Jarle er kordirigent med sterkt engasjement for kor og musikk. Han er kjent for sin unike evne til å inspirera og løfta både kor og publikum. Tom Jarle er Sørlending, men bur på Voss med familien. Han dirigerer fleire kor, mellom anna VossaGospel og Internasjonalt kor i Odda. Han dirigerer også fleire kor på Sørlandet. I vinter vart Hardanger Gospelkor oppretta, med Tom Jarle som initiativtakar.

Fredag kveld blir det Gospelnight på Brandøy, med Tom Jarle i spissen. Han har med seg fire-fem songarar og musikarar. Kvelden blir ei fin blanding av allsong og solosong. Å, kor me gler oss!